റിലയന്‍സ് ഇന്‍ഡസ്ട്രീസ് ലിമിറ്റഡ് (ആര്‍ഐഎല്‍) ഡയറക്ടര്‍ അനന്ത് മുകേഷ് അംബാനിയും ബിപി സിഇഒ മുറെ ഓച്ചിന്‍ക്ലോസും ചേര്‍ന്ന് റിലയന്‍സ് ആന്‍ഡ് ബിപിയുടെ ഇന്ധന-മൊബിലിറ്റി സംയുക്ത സംരംഭമായ ജിയോ-ബിപിയുടെ 500-ാമത് ജിയോ-ബിപി പള്‍സ് ഇവി ചാര്‍ജിംഗ് സ്റ്റേഷന്‍ ഉദ്ഘാടനം ചെയ്തു.
ഇന്ത്യയില്‍ 5000-ാമത് ജിയോ-ബിപി പള്‍സ് ചാര്‍ജിംഗ് പോയിന്റിന്റെ ഇന്‍സ്റ്റാളേഷന്‍ അടയാളപ്പെടുത്തിക്കൊണ്ട് നിത മുകേഷ് അംബാനി കള്‍ച്ചറല്‍ സെന്റര്‍, ജിയോ വേള്‍ഡ് പ്ലാസ, മുംബൈയിലെ ബാന്ദ്ര കുര്‍ള കോംപ്ലക്‌സിലെ (ബികെസി) ജിയോ വേള്‍ഡ് കണ്‍വെന്‍ഷന്‍ സെന്റര്‍ എന്നിവിടങ്ങളില്‍ ഇവി ചാര്‍ജിംഗ് സ്റ്റേഷന്‍ കമ്മീഷന്‍ ചെയ്തു.
ജിയോ-ബിപി ഇവി ചാര്‍ജിംഗ് സ്റ്റേഷനുകളുടെ ശൃംഖല, ഒരു വര്‍ഷത്തിനുള്ളില്‍ 1,300 ല്‍ നിന്ന് 5,000 ആയി വളര്‍ന്നു. ഇവി ചാര്‍ജിംഗ് ശൃംഖലയുടെ 95 ശതമാനവും ഫാസ്റ്റ് ചാര്‍ജിംഗ് സ്റ്റേഷനുകളാണ്.
