അനില് അംബാനിയുടെ ഉടമസ്ഥതയിലുള്ള ടെലികോം കമ്പനിയായിരുന്ന റിലയന്സ് കമ്മ്യൂണിക്കേഷന്റെ വായ്പകളെ ‘തട്ടിപ്പ്’ (Fraudulent) വിഭാഗത്തില് നിന്ന് ഒഴിവാക്കിയാതായി കനറാ ബാങ്ക് ബോംബെ ഹൈക്കോടതിയെ അറിയിച്ചു. ഇത് അനില് അംബാനിയെ സംബന്ധിച്ച വലിയ വിജയമാണ്. 2017 ല് അനുവദിച്ച 1,050 കോടി രൂപയുടെ ദുരുപയോഗവുമായി ബന്ധപ്പെട്ട് ബോംബെ ഹൈക്കോടതിയില് നടന്ന നിയമനടപടികളുടെ ഭാഗമായാണ് ഈ നീക്കം.
കാനറ ബാങ്കില് നിന്നെടുത്ത 1,050 കോടി രൂപയുടെ വായ്പ മറ്റ് കമ്പനികളുടെ ബാധ്യതകള് തീര്പ്പാക്കാനായി റിലയന്സ് കമ്മ്യൂണിക്കേഷന് വകമാറ്റി എന്നു കാണിച്ചാണ് വായ്പകളെ തട്ടിപ്പ് വിഭാഗത്തിലേക്ക് ബാങ്ക് മാറ്റിയത്. ബാങ്കിന്റെ നടപടിയെ ചോദ്യം ചെയ്ത് അനില് അംബാനി സമര്പ്പിച്ച പരാതിയിലാണ് ജസ്റ്റിസ് രേവതി മല്ഹോത്ര, നീല ഗോഖലെ എന്നിവരുടെ ബെഞ്ച് കേസ് തീര്പ്പാക്കിയത്. റിലയന്സ് കമ്മ്യൂണിക്കേഷന്സ് നിലവില് പാപ്പരത്ത നടപടികളിലൂടെ കടന്നു പോകുകയാണ്.
പട്ടികയിലുള്പ്പെടുത്തി എസ്.ബി.ഐയും രാജ്യത്തെ ഏറ്റവും വലിയ പൊതുമേഖല ബാങ്കായ എസ്.ബി.ഐയും റിലയന്സ് കമ്മ്യൂണിക്കേഷന്സിന്റെ വായ്പ അക്കൗണ്ടുകളെ ഫ്രോഡ് വിഭാഗത്തിലേക്ക് മാറ്റിയിരുന്നു. അനില് അംബാനിക്കെതിരെ റിസര്വ് ബാങ്കിന് റിപ്പോര്ട്ട് നല്കുമെന്നും എസ്.ബി.ഐ ജൂലൈ രണ്ടിന് വ്യക്തമാക്കിയിരുന്നു.
