2024 ലെ ആദ്യത്തെ 50 കോടി കുറച്ചു പിള്ളേര് വന്നു കൊണ്ട് പോയിട്ടുണ്ട്. റിലീസ് ചെയ്ത് 13 ദിവസം കൊണ്ട് ആണ് ‘പ്രേമലു’ 50 കോടി ക്ലബില് ഇടം പിടിച്ചത്. എല്ലാ പ്രായക്കാരിലും നിന്നും മികച്ച പ്രതികരണമാണ് ഈ റൊമാന്റിക് കോമഡി ചിത്രം നേടിയത്. കേരളത്തില് നിന്ന് 27 കോടിയോളമാണ് ഇതിനോടകം ഈ ചിത്രം നേടിയത്. നിറഞ്ഞ സദസ്സില് പ്രദര്ശനം തുടരുന്ന ചിത്രത്തില് നസ്ലെന്, മമിതാ ബൈജു എന്നിവര് തകര്പ്പന് പ്രകടനമാണ് കാഴ്ചവച്ചിരിക്കുന്നത്.
50 കോടി ക്ലബിലെത്തിയതോടെ മലയാളത്തില് ഈ നേട്ടം കൈവരിക്കുന്ന ഏറ്റവും പ്രായം കുറഞ്ഞ നായകനെന്ന റെക്കോര്ഡ് ഇതിലൂടെ ചിത്രത്തിലെ നായകന് നസ്ലെന് സ്വന്തമാക്കി. 31 ആം വയസ്സില് ഹൃദയം എന്ന ചിത്രത്തിലൂടെ ഈ നേട്ടം സ്വന്തമാക്കിയ പ്രണവ് മോഹന്ലാല്, 28 ആം വയസ്സില് ആര്ഡിഎക്സ് എന്ന ചിത്രത്തിലൂടെ ഈ നേട്ടം കൈവരിച്ച ഷെയ്ന് നിഗം എന്നിവരുടെ റെക്കോര്ഡ് ആണ് നസ്ലെന് തകര്ത്തത്. 50 കോടി ക്ലബ്ബിലെത്തുന്ന 21 മത്തെ മലയാള ചിത്രമാണ് പ്രേമലു.
