News

ഗൂഗിള്‍ മാപ്പ് നോക്കി തകര്‍ന്ന പാലത്തിലൂടെ വണ്ടിയോടിച്ചയാള്‍ മരിച്ചു; ഗൂഗിളിനെതിരെ കേസ് കൊടുത്ത് കുടുംബം

പാക്‌സണിന്റെ ഭാര്യ അലീസ്യ പറയുന്നത് കൊല്ലങ്ങളായി ഗൂഗിള്‍ മാപ്പ് ഡ്രൈവര്‍മാരെ തകര്‍ന്ന പാലത്തിലൂടെ വരാന്‍ വഴികാണിക്കുകയായിരുന്നു എന്നാണ്

കഴിഞ്ഞ വര്‍ഷം സെപ്റ്റംബറിലാണ് നോര്‍ത്ത് കെറോലീനയിലെ ഫിലിപ് പാക്‌സണ്‍ ഗൂഗിള്‍ മാപ്പ് നോക്കി തകര്‍ന്ന പാലത്തിലൂടെ വണ്ടിയോടിച്ച് മരണത്തിന് കീഴടങ്ങിയത്. തന്റെ മകളുടെ ബെര്‍ത്ത്‌ഡേ പാര്‍ട്ടി കഴിഞ്ഞ് ഒരു സുഹൃത്തിന്റെ വീട്ടില്‍ നിന്ന് മടങ്ങുന്ന വഴിയാണ് അപകടമുണ്ടായത്. ഗൂഗിള്‍ മാപ്പ് നോക്കിയാണ് വണ്ടിയോടിച്ചിരുന്നത്. ഗൂഗിള്‍ മാപ്പിന്റെ നിര്‍ദ്ദേശമനുസരിച്ച് പ
പാലം സുരക്ഷിതമാണെന്ന് കരുതി വണ്ടിയോടിച്ച ഇയാളുടെ കാര്‍ 20 അടി താഴ്ചയിലേക്ക് മറിഞ്ഞ് വെള്ളത്തിലേക്ക് പതിക്കുകയും പാക്‌സണ്‍ മുങ്ങി മരിക്കുകയുമായിരുന്നു. ഇതിനെതിരെ കുടുംബം ഗൂഗിളിനെതിരെ കേസ് കൊടുത്തിരിക്കുയാണിപ്പോള്‍.

പാക്‌സണിന്റെ ഭാര്യ അലീസ്യ പറയുന്നത് കൊല്ലങ്ങളായി ഗൂഗിള്‍ മാപ്പ് ഡ്രൈവര്‍മാരെ തകര്‍ന്ന പാലത്തിലൂടെ വരാന്‍ വഴികാണിക്കുകയായിരുന്നു എന്നാണ്. പാലം തകര്‍ന്നാതാണെന്ന് ഗൂഗിളിനെ ആളുകള്‍ അലര്‍ട്ട് ചെയ്തിരുന്നതാണെന്നും അവര്‍ പറയുന്നു. ഹിക്കറിയിലെ മറ്റൊരു താമസക്കാരന്‍ പാലം തകര്‍ന്നതാണെന്ന്, ‘സജസ്റ്റ് അന്‍ എഡിറ്റ് ‘ ഫീച്ചര്‍ ഉപയോഗിച്ച് നിരവധി തവണ ഗൂഗിളിനെ തിരുത്തിയതാണെന്നും പറയുന്നു. ഗൂഗിളില്‍ നിന്ന് തിരുത്തല്‍ പരിശോധിക്കുമെന്ന കണ്‍ഫര്‍മേഷന്‍ ഇ- മെയില്‍ വന്നതല്ലാതെ, 2020 മുതല്‍ ദിശയില്‍ യാതൊരു തിരുത്തലുകളും ഗൂഗിള്‍ മാപ്പില്‍ വരുത്തിയിട്ടില്ല എന്ന് അലീസിയ പാക്‌സണ്‍ പറഞ്ഞു.

പാക്‌സണിന്റെ മരണശേഷം തകര്‍ന്ന പാലത്തിനെക്കുറിച്ച് ഗൂഗിള്‍ മാപ്പിന് വീണ്ടും നോട്ടിഫിക്കേഷന്‍ വന്നതാണ്. എന്നാല്‍ അത് കഴിഞ്ഞ് 6 മാസത്തിന് ശേഷവും പാലം കടന്നുപോകാവുന്ന വഴിയായിട്ടാണ് മാപ്പില്‍ കാണിക്കുന്നത്.

കേസ് പരിശോധിക്കുകയാണെന്നും സഞ്ചരിക്കുന്ന വഴിയെക്കുറിച്ചുള്ള ശരിയായ വിവരം പ്രദാനം ചെയ്യുക എന്നതാണ് ലക്ഷ്യമെന്നും ഗൂഗിള്‍ വക്താവ് പറഞ്ഞു.

Leave a Reply

Your email address will not be published. Required fields are marked *

You May Also Like

Business & Corporates

സംശുദ്ധസ്വര്‍ണത്തിന്റെ മുദ്രണം പോലെ 916 പൊലിമയുള്ള ഒരു മനുഷ്യസ്‌നേഹി, അതാണ് കുര്യന്‍ ജോണ്‍ മേളാംപറമ്പില്‍

Mutual Funds

എന്തെല്ലാം ചെയ്യണം, എങ്ങനെ പ്രവര്‍ത്തിക്കണം, ഏതെല്ലാം മേഖലകളില്‍ നിക്ഷേപിക്കണം തുടങ്ങിയ കാര്യങ്ങള്‍ വിശദീകരിക്കുകയാണ് സാമ്പത്തിക വിദഗ്ധനും അഹല്യ ഫിന്‍ഫോറെക്സ് മാനേജിങ് ഡയറക്റ്ററുമായ എന്‍ ഭുവനേന്ദ്രന്‍

Entrepreneurship

ഒരു സംരംഭം വിജയകരമാക്കാന്‍, വ്യത്യസ്തമായ മനസ്സിന്റെ ശക്തിയും മസ്തിഷ്‌ക പ്രവര്‍ത്തനങ്ങളും സമന്വയത്തില്‍ പ്രവര്‍ത്തിക്കേണ്ടത് ആവശ്യമാണ്. അതിനാല്‍ തന്റെ സംരംഭത്തില്‍ വിജയിച്ച ഒരു സംരംഭകനെ ഏറ്റവും ഉയര്‍ന്ന ഇന്റലിജന്‍സ് ഉള്ള ഒരാളായി കണക്കാക്കാം. എന്താണ്...

Cinema

ഒട്ടനവധി സിനിമകള്‍ ബോക്‌സ് ഓഫീസില്‍ ഹിറ്റുകള്‍ സമ്മാനിച്ചെങ്കിലും വരവ് ചെലവ് കണക്കുകള്‍ തട്ടിച്ചു നോക്കുമ്പോള്‍ വന്‍ വിപത്തിലേക്കാണ് മലയാള സിനിമയുടെ പോക്ക്

Copyright © The Profit, Aarthikam Communications Private Ltd. Powered by Media Ink

Exit mobile version