സുസ്ഥിരതയുടെ പ്രാധാന്യത്തെക്കുറിച്ച് ഉപഭോക്താക്കള് കൂടുതല് ബോധവാന്മാരാകുമ്പോള് അവര് കൂടുതല് സുസ്ഥിരമായി ജീവിക്കാനുള്ള വഴികള് തേടുകയാണ് ചെയ്യുന്നത്. സുസ്ഥിരത പ്രോത്സാഹിപ്പിക്കുന്നതിന് ബിസിനസുകള്ക്കും ഉപഭോക്താക്കള്ക്കും ചെയ്യാന് കഴിയുന്ന ചില പ്രത്യേക കാര്യങ്ങള് എന്തൊക്കെയാണെന്ന് നേക്കാം…
ലോകം അതിസങ്കീര്ണമായ പാരിസ്ഥിതിക വെല്ലുവിളികളെ അഭിമുഖീകരിക്കുകയാണ്. അതുകൊണ്ടുതന്നെ കാലാവസ്ഥാ വ്യതിയാനത്തെ നേരിടുന്നതിനുള്ള ആവശ്യകത കൂടുതല് പ്രകടമാകുകയാണിപ്പോള്. ഈ പശ്ചാത്തലത്തില് സുസ്ഥിരമായ (Sustainable business) രീതിയില് ബിസിനസ് ചെയ്യുന്നതിന്റെ പ്രാധാന്യം പല കമ്പനികളും തിരിച്ചറിയുന്നുണ്ട്. യൂണിലിവര്, സ്റ്റാര് ബക്സ് തുടങ്ങിയ പ്രശസ്ത ബ്രാന്ഡുകള് അവരുടെ പ്രധാന മൂല്യങ്ങളിലും ആശയ വിനിമയത്തിലും സുസ്ഥിരത സജീവമായി ഉള്പ്പെടുത്തുന്നു.
ഇതു കൂടാതെ പരിസ്ഥിതിയെ കുറിച്ചുള്ള വര്ധിച്ചു വരുന്ന അവബോധം, സുസ്ഥിരതയ്ക്കായി പ്രതിജ്ഞാബദ്ധരായ ബ്രാന്ഡുകള് തെരഞ്ഞെടുക്കാന് ഉപഭോക്താക്കളെ പ്രേരിപ്പിക്കുന്നു. എങ്കിലും കാലോചിതമായ മാറ്റം കൊണ്ടുവരാന് ബിസിനസുകളില് നിന്നും ഉപഭോക്താക്കളില് നിന്നും ഒരു കൂട്ടായ ശ്രമം ആവശ്യമാണ്.
സുസ്ഥിരതയുടെ പ്രാധാന്യത്തെക്കുറിച്ച് ഉപഭോക്താക്കള് കൂടുതല് ബോധവാന്മാരാകുമ്പോള് അവര് കൂടുതല് സുസ്ഥിരമായി ജീവിക്കാനുള്ള വഴികള് തേടുന്നു. കൂടാതെ പരിസ്ഥിതി സൗഹൃദമായ രീതിയില് ഉല്പ്പാദിപ്പിക്കുന്ന ഉല്പ്പന്നങ്ങളും സേവനങ്ങളും അവര് തെരഞ്ഞെടുക്കുന്നു. ബിസിനസുകള്ക്ക് ഇത് ഒരു നല്ല വാര്ത്തയാണ്. കാരണം സുസ്ഥിര ഉല്പ്പന്നങ്ങള്ക്ക് വളരുന്ന വിപണി ഉണ്ടെന്നാണ് ഇതിനര്ത്ഥം. സുസ്ഥിരത പ്രോത്സാഹിപ്പിക്കുന്നതിന് ബിസിനസുകള്ക്കും ഉപഭോക്താക്കള്ക്കും ചെയ്യാന് കഴിയുന്ന ചില പ്രത്യേക കാര്യങ്ങള് ഇതൊക്കെയാണ്.
ബിസിനസുകള്:
- റീസൈക്കിള് ചെയ്ത വസ്തുക്കള് ഉപയോഗിക്കുക
- ഊര്ജ്ജ ഉപയോഗം കുറയ്ക്കുക
- മാലിന്യ നിര്മ്മാര്ജ്ജന രീതികള് മെച്ചപ്പെടുത്തുക
- അവരുടെ വിതരണ ശൃംഖലയിലെ സുസ്ഥിരമായ സമ്പ്രദായങ്ങളെ പിന്തുണയ്ക്കുക
ഉപഭോക്താക്കള്:
- പരിസ്ഥിതി സൗഹൃദമായ രീതിയില് ഉല്പ്പാദിപ്പിക്കുന്ന ഉല്പ്പന്നങ്ങളും സേവനങ്ങളും തെരഞ്ഞെടുക്കുക
- അവരവരുടെ വീടുകളിലും ജോലി സ്ഥലങ്ങളിലും പുനരുപയോഗിക്കാവുന്ന ഊര്ജ്ജസ്രോതസ്സുകള് തിരഞ്ഞെടുക്കുക
- റീസൈക്കിള് ചെയ്യാന് പരിശീലിക്കുക
- മിനിമലിസ്റ്റ് ജീവിതശൈലി സ്വീകരിക്കാന് തയ്യാറാവുക.
സുസ്ഥിരമായ മാറ്റത്തിനായി ബിസിനസുകളെയും ഉപഭോക്താക്കളെയും ശാക്തീകരിക്കുന്നത് ഹരിതവും കൂടുതല്പ്രതിരോധശേഷിയുള്ളതുമായ ഭാവി കെട്ടിപ്പടുക്കുന്നതിന് നിര്ണായകമാണ്. സുസ്ഥിരമായ രീതികള് അവലംബിക്കുന്നതിലൂടെ, ബിസിനസുകള്ക്ക് പാരിസ്ഥിതിക ആഘാതം കുറയ്ക്കുന്നതിന് നേതൃത്വം നല്കാന് കഴിയും, അതേസമയം വിദ്യാസമ്പന്നരും ഉത്തരവാദിത്തമുള്ളവരുമായ ഉപഭോക്താക്കള്ക്ക് പരിസ്ഥിതി സൗഹൃദ ഉല്പ്പന്നങ്ങള്ക്കും സേവനങ്ങള്ക്കും ആവശ്യം സൃഷ്ടിക്കാന് കഴിയും.
ബിസിനസുകള്, ഗവണ്മെന്റുകള്, ഉപഭോക്താക്കള് എന്നിവ തമ്മിലുള്ള സഹകരണത്തിന് കൂടുതല് സുസ്ഥിരവും പരിസ്ഥിതി ബോധമുള്ളതുമായ ഒരു സമൂഹത്തിലേക്ക് പരിവര്ത്തനപരമായ മാറ്റം കൊണ്ടുവരാന് കഴിയും. നമുക്ക് ഒരുമിച്ച് അര്ത്ഥവത്തായ മാറ്റം വരുത്താനും ഭാവി തലമുറകള്ക്കായി ഭൂമിയെ സംരക്ഷിക്കാനും കഴിയും.
(അഡ്വര്ടൈസിംഗ്, ഡിജിറ്റല് മാര്ക്കറ്റിംഗ്, ഡാറ്റ അനലിറ്റിക്സ് കമ്പനിയായ ഡിഎന്എ5, വെല്നെസ്ബേ ആയുര്വേദ ക്ലിനിക് തുടങ്ങിയ സംരംഭങ്ങളുടെ സ്ഥാപകയാണ് ഉഷ ശോഭ്)
