ബജറ്റില് ഇറക്കുമതി നികുതി വെട്ടിക്കുറച്ചതിനു പിന്നാലെ സ്വര്ണവിലയില് ഇടിവു തുടരുന്നു. ഇന്നത്തെ വില പ്രകാരം പവന് 51,200 രൂപയും ഗ്രാമിന് 6,400 രൂപയുമാണ്. ഗ്രാമിന് ഇന്നലത്തേക്കാള് 95 രൂപയാണ് കുറഞ്ഞത്.
ലൈറ്റ് വെയിറ്റ് ആഭരണങ്ങള് നിര്മിക്കാന് ഉപയോഗിക്കുന്ന 18 കാരറ്റ് സ്വര്ണത്തിന്റെ വില ഗ്രാമിന് 85 രൂപ കുറഞ്ഞ് 5,310 രൂപയിലെത്തി. വെള്ളി വില മൂന്നു രൂപ കുറഞ്ഞ് ഗ്രാമിന് 89 രൂപയിലാണ് വ്യാപാരം.
മെയ് 20ന് രേഖപ്പടുത്തിയ 55,120 രൂപയാണ് സ്വര്ണവിലയിലെ റെക്കോഡ്. ഇന്നത്തെ 51,200 രൂപയാണ് ഏപ്രില് രണ്ടിനു ശേഷമുള്ള ഏറ്റവും താഴ്ന്ന വില. എന്നാല് സ്വര്ണ വില വിചാരിച്ചത്ര കുറഞ്ഞില്ല എന്ന അഭിപ്രായവുമുണ്ട്. സ്വര്ണവില 50,000 രൂപയ്ക്ക് താഴെയെത്തുമെന്നായിരുന്നു വ്യാപാരികള് പറഞ്ഞിരുന്നത്

