ക്രിക്കറ്റ് താരങ്ങളായ ഹാര്‍ദിക്കിന്റെയും ക്രുണാല്‍ പാണ്ഡ്യയുടെയും കൈയില്‍ നിന്ന് 4.3 കോടി രൂപ തട്ടിയ കേസില്‍ അര്‍ദ്ധ സഹോദരന്‍ വൈഭവ് പാണ്ഡ്യയെ മുംബൈ പോലീസ് അറസ്റ്റ് ചെയ്തു. 37 കാരനായ വൈഭവ് ഒരു പങ്കാളിത്ത സ്ഥാപനത്തില്‍ നിന്ന് ഏകദേശം 4.3 കോടി രൂപ വകമാറ്റിയതായാണ് ആരോപണം. ഇത് ഹാര്‍ദിക്കിനും ക്രുനാലിനും ഗണ്യമായ സാമ്പത്തിക നഷ്ടമുണ്ടാക്കി.
ഫണ്ട് വകമാറ്റലും പങ്കാളിത്ത നിബന്ധനകളുടെ ലംഘനവുമാണ് വൈഭവിനെതിരെ ആരോപിക്കപ്പെടുന്നത്. മൂന്ന് വര്‍ഷം മുമ്പാണ് പാണ്ഡ്യ സഹോദരന്‍മാര്‍ മൂവരും ചേര്‍ന്ന് സംയുക്തമായി ഒരു പോളിമര്‍ ബിസിനസ്സ് സ്ഥാപിച്ചത്. ഹാര്‍ദിക്കും ക്രുനാലും മൂലധനത്തിന്റെ 40% വീതം നിക്ഷേപിച്ചു. വൈഭവ് 20% മൂലധനം നിക്ഷേപിക്കുകയും ദൈനംദിന പ്രവര്‍ത്തനങ്ങള്‍ നിയന്ത്രിക്കുകയും ചെയ്യുമെന്നായിരുന്നു കരാര്‍.
ഹാര്‍ദിക്കും ക്രുനാലും മൂലധനത്തിന്റെ 40% വീതം നിക്ഷേപിച്ചു. വൈഭവ് 20% മൂലധനം നിക്ഷേപിക്കുകയും ദൈനംദിന പ്രവര്‍ത്തനങ്ങള്‍ നിയന്ത്രിക്കുകയും ചെയ്യുമെന്നായിരുന്നു കരാര്‍
ഈ ഓഹരികള്‍ക്കനുസരിച്ചാണ് ലാഭം വിതരണം ചെയ്യേണ്ടത്. എന്നാല്‍ പങ്കാളിത്ത കരാര്‍ ലംഘിച്ച് വൈഭവ് മറ്റൊരു സ്ഥാപനം സ്ഥാപിച്ചതായി റിപ്പോര്‍ട്ടുണ്ട്. തല്‍ഫലമായി, യഥാര്‍ത്ഥ പങ്കാളിത്ത ബിസിനസില്‍ നിന്നുള്ള ലാഭം കുറഞ്ഞു. ഇത് ഏകദേശം 3 കോടി രൂപയുടെ നഷ്ടത്തിലേക്ക് നയിച്ചു. കൂടാതെ, വൈഭവ് രഹസ്യമായി സ്വന്തം ലാഭവിഹിതം 20% ല്‍ നിന്ന് 33.3% ആയി വര്‍ദ്ധിപ്പിച്ചു. ഇത് ഹാര്‍ദിക്കിന്റെയും ക്രുനാല്‍ പാണ്ഡ്യയുടെയും സാമ്പത്തിക താല്‍പ്പര്യങ്ങളെ ബാധിച്ചു.
