Connect with us

Hi, what are you looking for?

News

‘ഗഗനചാരി’കളുടെ തലവന്‍ മലയാളി പ്രശാന്ത് നായര്‍

ഇന്ത്യയുടെ അഭിമാനമായ ഗഗന്‍യാന്‍ ബഹിരാകാശ ദൗത്യത്തിനുള്ള നാലംഗ സംഘത്തില്‍ മലയാളിയുമുണ്ട്. ദൗത്യത്തിന്റെ തലവന്‍ പാലക്കാട് നെന്മാറക്കാരനായ പ്രശാന്ത് നായര്‍ ആണെന്നതാണ് കേരളീയര്‍ക്ക് അഭിമാനമായത്

പ്രശാന്ത് നായര്‍, അജിത് കൃഷ്ണന്‍, അംഗദ് പ്രതാപ്, ശുഭംശു ശുക്ല

ഗഗന്‍യാന്‍ ദൗത്യത്തിനായി പരിശീലനം നടത്തുന്ന ബഹിരാകാശ യാത്രികരുടെ പേരുകള്‍ പ്രധാനമന്ത്രി നരേന്ദ്ര മോദി വിക്രം സാരാഭായ് സ്‌പേസ് സെന്ററില്‍ വെച്ച് പുറത്തുവിട്ടപ്പോള്‍ മലയാളികള്‍ക്കും അഭിമാനിക്കാന്‍ ഏറെയായിരുന്നു.

ഇന്ത്യയുടെ അഭിമാനമായ ഗഗന്‍യാന്‍ ബഹിരാകാശ ദൗത്യത്തിനുള്ള നാലംഗ സംഘത്തില്‍ മലയാളിയുമുണ്ട്. ദൗത്യത്തിന്റെ തലവന്‍ പാലക്കാട് നെന്മാറക്കാരനായ പ്രശാന്ത് നായര്‍ ആണെന്നതാണ് കേരളീയര്‍ക്ക് അഭിമാനമായത്. ടെസ്റ്റ് പൈലറ്റുമാരായ ഗ്രൂപ്പ് ക്യാപ്റ്റന്‍ പ്രശാന്ത് ബാലകൃഷ്ണന്‍ നായര്‍, ഗ്രൂപ്പ് ക്യാപ്റ്റന്‍ അജിത് കൃഷ്ണന്‍, ഗ്രൂപ്പ് ക്യാപ്റ്റന്‍ അങ്കത് പ്രതാപ്, വിംഗ് കമാന്‍ഡര്‍ ശുഭാന്‍ഷു ശുക്ല എന്നിവരെയാണ് പ്രധാനമന്ത്രി സ്‌പേസ് പദ്ധതികളുടെ ഉദ്ഘാടനത്തില്‍ പരിചയപ്പെടുത്തിയത്.

യാത്രികരെ ബഹിരാകാശത്തെത്തിച്ചു മൂന്നു ദിവസത്തിനു ശേഷം സുരക്ഷിതമായി തിരികെയെത്തിക്കുന്ന ദൗത്യം 2025 ലാണ് ഐഎസ്ആര്‍ഒ ലക്ഷ്യമിടുന്നത്. ബഹിരാകാശ ഗവേഷണ രംഗത്ത് ഇന്ത്യയുടെ വലിയ ചുവടുവെപ്പായി ഗഗന്‍യാന്‍ ദൗത്യം മാറും.

രാകേഷ് ശര്‍മയാണ് ഇന്ത്യക്കാരനായ ആദ്യ ബഹിരാകാശ സഞ്ചാരി. 1984 ഏപ്രില്‍ 2നായിരുന്നു അദ്ദേഹം ബഹിരാകാശത്തേക്ക് യാത്ര തിരിച്ചത്. ഏഴ് ദിവസവും രണ്ട് മണിക്കൂറും 40 മിനിറ്റും ശര്‍മ ബഹിരാകാശത്ത് ചെലവഴിച്ചു.

Click to comment

Leave a Reply

Your email address will not be published. Required fields are marked *

You May Also Like

Business & Corporates

സംശുദ്ധസ്വര്‍ണത്തിന്റെ മുദ്രണം പോലെ 916 പൊലിമയുള്ള ഒരു മനുഷ്യസ്‌നേഹി, അതാണ് കുര്യന്‍ ജോണ്‍ മേളാംപറമ്പില്‍

Stock Market

ഇന്നലെ പുറത്തുവിട്ട കമ്പനിയുടെ രണ്ടാം പാദഫലങ്ങള്‍ പ്രതീക്ഷയ്ക്കൊത്തുയരാതിരുന്നതാണ് ഓഹരിയില്‍ ഇടിവുണ്ടാക്കിയത്.

Life

വിവിധ ആരോഗ്യ പ്രശ്‌നങ്ങളാല്‍ വേദന അനുഭവിക്കുന്നവര്‍ക്ക് ശരീരകലകളെ സുഖപ്പെടുത്തുന്നതിലൂടെയും പുനരുജ്ജീവിപ്പിക്കുന്നതിലൂടെയും വേദനയ്ക്ക് ശമനം നല്‍കുന്ന നൂതന ചികിത്സാരീതിയാണ് റീജെനറേറ്റീവ് പെയിന്‍ മെഡിസിന്‍ ക്ലിനിക്കിലൂടെ ലഭ്യമാക്കുക

Banking & Finance

ഈ കടപ്പത്രങ്ങളുടെ വില്‍പന നവംബര്‍ 13 വരെ തുടരും