കുടുംബത്തോടൊപ്പം യാത്ര ചെയ്യാന്‍ കാര്‍ ഒരു അനിവാര്യതയാണ്. ആഡംബരം എന്നതില്‍ ഉപരിയായി ഒരു ആവശ്യമാണ് കാര്‍. അതിനാല്‍ തന്നെ ലോണ്‍ എടുത്ത് കാര്‍ വാങ്ങുന്നവരുടെ എണ്ണം വര്‍ധിച്ചു വരികയാണ്. എന്നാല്‍ ലോണ്‍ കിട്ടാന്‍ ഉള്ള എളുപ്പം പോലെ അല്ല തിരിച്ചടവ് എന്ന് ഓര്‍ക്കണം.ലോണ്‍ എടുക്കും മുന്‍പ് ഇക്കാര്യങ്ങള്‍ ശ്രദ്ധിക്കണം.
1. ക്രെഡിറ്റ് സ്‌കോര്‍: മികച്ച ക്രെഡിറ്റ് സ്‌കോര്‍ ഉള്ളവര്‍ക്ക് അതിവേഗം വായ്പ ലഭിക്കും. കൂടാത പലിശനിരക്ക് താരതമ്യേന കുറവായിരിക്കും. ഉയര്‍ന്ന ക്രെഡിറ്റ് സ്‌കോര്‍, കുറഞ്ഞ പലിശ നിരക്ക് ലഭിക്കാന്‍ സഹായിക്കും.
2. വായ്പാ കാലാവധി: ദൈര്‍ഘ്യമേറിയ ലോണ്‍ കാലയളവ് കുറഞ്ഞ പ്രതിമാസ പേയ്മെന്റുകള്‍ക്ക് കാരണമാകും, എന്നാല്‍ മൊത്തത്തില്‍ കൂടുതല്‍ പലിശ നല്‍കേണ്ടി വരും.
3. പലിശ നിരക്ക്: കുറഞ്ഞ പലിശനിരക്ക് വായ്പ തിരിച്ചടവില്‍ നല്ല തുക ലാഭിക്കാന്‍ സഹായിക്കും. അതേസമയം ഉയര്‍ന്ന നിരക്ക് കൂടുതല്‍ പലിശ നിരക്കുകള്‍ക്ക് കാരണമാകും.
4. ലോണ്‍ തുക: ലോണിന് അപേക്ഷിക്കുന്നതിന് മുമ്പ്, വരുമാനവും ചെലവും വിലയിരുത്തി എത്രത്തോളം കടം വാങ്ങാന്‍ കഴിയുമെന്ന് നിര്‍ണ്ണയിക്കുക. താങ്ങാന്‍ കഴിയുന്നതിലും കൂടുതല്‍ തുകയ്ക്ക് വായ്പയെടുക്കുന്നത് സാമ്പത്തിക ബുദ്ധിമുട്ടുകള്‍ക്ക് ഇടയാക്കും.
5. അധിക ഫീസ്: ചില കാര്‍ ലോണുകള്‍ക്ക് അപേക്ഷാ ഫീസ്, ഒറിജിനേഷന്‍ ഫീസ്, മുന്‍കൂര്‍ പേയ്മെന്റ് പെനാല്‍റ്റികള്‍ എന്നിവ പോലുള്ള അധിക ഫീസും വന്നേക്കാം. ഈ ഫീസുകള്‍ വേഗത്തില്‍ കൂട്ടിച്ചേര്‍ക്കാനും വായ്പയുടെ മൊത്തത്തിലുള്ള ചെലവ് വര്‍ദ്ധിപ്പിക്കുകയും ചെയ്യും.
